Сфæлдыстадон коллектив, Ханпаши Нурадиловы номыл Цæцæны паддзахадон драмон театры сценæйы равдыста спектакль театра «Сотворившая чудо»
Евгений Вахтанговы номыл Академион Уырыссаг театры гастрольтæ ацыдысты Грознайы. Нæ республикæйы культурæйы министрады пресс-службæйæ куыд хъусын кæнынц, афтæмæй не сфæлдыстадон коллектив, Ханпаши Нурадиловы номыл Цæцæны паддзахадон драмон театры сценæйы равдыста спектакль театра «Сотворившая чудо». Пьесæ равдыстой сæрмагонд проекты азы фæлгæты. Цæцæны республикæйы культурæйы министр Иса Ибрагимов Уырыссаг театры директор Владимир Уваровы схорзæхджын кодта «Стыр æнтыстдзинæдты» тыххæй майданæй. Театры коллективæн та Цæцæны культурæйы министрады номæй лæвæрд æрцыд арфæйы фыстæг. Владимир Уваров куыд радзырдта, афтæмæй спектакль «Сотворившая чудо» хуымæтæджы нæ равзæрстой Грознайы равдисынмæ. Дзурæг у ахсджиаг хъуыддæгтыл. Бæлвырддæр та – хъæуы æууæндын æмæ тырнын, цæмæй дын амонд дæ дуар æрбахойа, уый тыххæй, – бахынцта Уырыссаг театры разамонæг.
