Фыццаг хатт æй сæвæрдта режиссер Роберт Манукян
Евгений Вахтанговы номыл академион уырыссаг театры уыд премьерæ «Женитьба Фигаро». Фыццаг хатт æй сæвæрдта режиссер Роберт Манукян. Аивадуарзджытæ уацмыс федтой эксклюзивон хуызы. Æмдзæвгæтæ ныффыста мæскуыйаг поэт, музыкæ та – Санкт-Петербургæй композитор. Премьерæ куыд ацыд, уый тыххæй радзурдзæн Чехойты Фатимæ.
Францусаг драматург Бомаршейы комеди Академион уырыссаг театры сценæйы фыццаг æвæрд æрцыд. Æххуырст Фигаро æмæ æфснайæг Сюзаннæйы хин миты истори у дунейы зындгонддæр æмæ уарзондæр. Æвдыст дзы цæуы хуымæтæг адæймаджы раст удыхъæд æмæ хъæздыг æнæгъдау Алмамивы цард. Актертæн ацы куыст æрмæст дыууæ мæйы бæстон куыст нæ уыд – уацмысы мидис сын хаста æхсызгондзинад.
Спектаклы режиссер у Роберт Манукян. Академион уырыссаг театры дыккаг постановкæйыл бакуыста. Йæ фыццаг куыст «Ханума» театруарзджыты зæрдæты сæвзæрын кодта æхсызгон æнкъарæнтæ. Ныр та йæ рад æрцыд «Женитьба Фигаройæн».
Евгений Вахтаноговы номыл Академион уырыссаг театрæн спектакль «Женитьба Фигаро»-йы премьерæ уыд ахсджиаг, æнкъарæнтæ лæваргæнæг.
Бомарше куыд фыста, афтæмæй «Тагъд кæнын хъæуы худгæйæ, кæннод бахъæудзæн кæуын». Ацы изæр театрдзаутæн уыд хъæлдзæг, балæвар сын кодта æхсызгон æнкъарæнтæ.
Хабæртты быд райхæлд. Амондмæ фæндаг агуырд æрцыд, фæлæ театр – иунæг бынат, уыцы иу хъуыддаджы адæймаг дыккаг хатт кæм бахауа, ахæм. «Женитьба Фигаро» сси Академион уырыссаг театры хай. Уымæ гæсгæ ацы историйы иу æмæ дыууæ хатты уыдзæн фæдзæгъæл уæвын.
