Шекспиры зындгонд фарста –Уæм, æви нæ? Евгенийы Вахтанговы номыл Уырыссаг Академион театры сценæйы. Спектакль сæвæрдта театры сæйраг режиссæр Валерий Попов. Йæ «Гамлет» сдзырдта Андрей Корчевскийы ныхæстæй. Спектакль æвæрæг нæ райста Пастернакы классикон тæлмац. Йæ ног хуыз бæрæг дары сюжеты динамикон цыдæй, нæ сæфы йæ бындуры арф философи дæр.
Дæн æви нæ дæн? Æнусон фарстайæн иу дзуапп нæй. Гамлеты зындгонд монолог дзуры Цæллаты Алан. Артистæн Гамлеты роль сæххæст кæнын иуæй йæ бæллиц уыд, иннæмæй та уæззау фæлварæн. Йæ уарзон хъайтары фæлгонц актер зæрдиагæй йæхиуыл абарста.
Алы театр дæр йæ хæсыл банымайы Шекспиры пьесæйæ йæхи сфæлтæрын. Фæлæ уый се ппæтæн нæ бантысы. Гамлеты фæлгонцы сусæгдзинæдтæ раргом кæныныл бацархайдта режиссер Валерий Попов. Йæ хъайтар сдзырдта Андрей Корчевскийы ныхæстæй. Нæ йæ бафæндыд Пастернакы тæлмацæй спайда кæнын. Ног хуызæг у ирддæр, мидисджындæр, стæй кинематогрæфмæ дæр у хæстæгдæр. Уæдæ йæ фыццаг хъуыды дæр сæфт не рцыдис.
Ацы фæдзæхстон бынаты цард театры хуызæн у, театр та царды. Уымæн хорз ахъаз сты костюмтæ æмæ декорацитæ. Режиссеры дæлгоммæ хъуыдытæ бамбардзæнис æрмæстдæр фæлтæрд театрдзау.
«Гамлет» Фыццаг квАртойы хуызы сæвæрын нырма Уæрæсейы ничима бафæлвæрдта. Нæ театр уыцы ахсджиаг хъуыддаг йæхимæ райста. Премьерон равдыстытæ уыдзысты ацы къуырийы дæргъы. Гамлеты ролы æрмæст уыдзæнис Константин Мойса.
