Евро Инфо корреспондентон центр байгом уыдзæн Дзæуджыхъæуы ног къуыри

17 апреля 2013, 17:15

Уый тыххæй йæ пресс-конференцийы фехъусын кодта Цæгат Ирыстоны базарадон-промышленнон палатæйы президент Тугъанаты Хъазыбег.

Евро Инфо корреспондентон центр байгом уыдзæн Дзæуджыхъæуы ног къуыри. Уый фадат ратдзæн республикæйы куыстуæтты продукци фæсарæнты парахат кæнынæн.

Уый тыххæй йæ пресс-конференцийы фехъусын кодта Цæгат Ирыстоны базарадон-промышленнон палатæйы президент Тугъанаты Хъазыбег. Радзырдта организацийы архайды, æмæ сæм хæстæгдæр рæстæгмæ цы фæндтæ ис, уый тыххæй. Куыд ма загъта, афтæмæй хъæуы республикæйы районты палатæйы хайæдтæ байгом кæнын. Афтæмæй фылдæр куыстуæттæ сразæнгард кæндзысты æмгуыстад кæнынмæ. Абон Цæгат Ирыстоны базарадон-промышленнон палатæйы хыгъды ис 178 куыстуаты. Уыдонæн сæ фылдæр хай сты Дзæуджыхъæуы. Сентябры мыхуыры рацæудзæн каталог «Ирыстоны бизнес». Уыдзæн дзы информаци республикæйы 200 куыстуатæй фылдæры тыххæй. Рауагъдад уыдзæн уырыссаг æмæ англисаг æвзæгтыл.