филиал вгтрк государственная телерадиовещательная компания “Алания”

Трейлраннинг Уæрæсейы. Европæйы æппæты бæрзонддæр бынат – Эльбрус равзæрстой хæххон дугъы ерысты бынатæн. Сты традицион. Дугъгæнджытæ ам æрæмбырд сты ныр æртыккаг хатт, æмæ афæдзæй-афæдзмæ ерысты архайджытæ фæфылдæр вæййынц цалдæр мины. Ацы аз дзы сæ арæхстдзинад æвдыстой Японийы, Германийы, Великобританийы, Бразилийы, Испанийы, Уæрæсейы æмæ хæдбар паддзахадты дугъгæнджытæ. Архайдтой дзы Цæгат Ирыстоны минæвæрттæ дæр. Дистанцитæ уыдысты 30, 42 æмæ 105 километры. Алы спортсменæн дæр дзы фадат уыд йæ цæттæдзинадмæ гæсгæ хицæн къæпхæн равзарынæн. Ацы аз фыццаг хатт турниры архайдтой зындгонд спортсментæ дæр. Се хсæн дунейы 6 хатты чемпион Андрей Храмов, ультрамарафоны уæлахиздзау Дмитрий Ерохин, ультрамарафоны æмæ уæлдæр къæпхæны марафоны архайæг Алексей Дюжаков æмæ æндæртæ. Ацы ерысты сæйраг хæс у – дунеийы алы бæстæты минæвæртты ргом Эльбрусмæ раздахын.