23 апреля 2014, 17:01
Фæндæгты æдасдзинадхъахъхъæнæг паддзахадон автоиспекцийы æмæ æнæниздзинадхъахъæнынады министрады хъæппæрисæй арæзт æрцыд акци «Автомотодонор»
Архайынц дзы пъæлицæйæгтæ, арæнхъахъхъæнджытæ, байкертæ æмæ студенттæ. Тугдæттæн станцæйы специалисттæ автоинспекцийы абон байгом кодтой пункт. Фыццаг дыууæ сахатмæ
Архайынц дзы пъæлицæйæгтæ, арæнхъахъхъæнджытæ, байкертæ æмæ студенттæ. Тугдæттæн станцæйы специалисттæ автоинспекцийы абон байгом кодтой пункт. Фыццаг дыууæ сахатмæ æрæмбырд кодтой 10 литры. Ацы акцийæ фæнд кæнынц адæмы ргом республикæйы фæндæгты уавæрмæ раздахын. Фæстаг æртæ мæймæ æрцыд 177 фæндаггон фыдбылызы. Фæмард дзы 42 адæймаджы, хъыгдард та баййæфтой дыууæ сæдæйæ фылдæр. Акцийы рæстæг цы туг æрæмбырд уа, уый ратдзысты, фæндаггон фыдбылызты чи бахауд, уыдоны æнæниздзад фæхуыздæр кæнынæн.
Гæдзаонты Олег: «Туг дæттынмæ æрбацыдыстæм, цæмæй баххуыс кæнæм, туг кæй хъæуы, уыдонæн. Дыккаг хатт æрбацыдыстæм. Кæй фæхъæуы туг, алы хатт дæр æрбацæуæм æмæ баххуыс кæнæм».
Бекъойты Артур, Паддзахадон автоинспекцийы управленийы хицауы хæдивæг: «Ацы акци вæййы азæй азмæ. Фарон дæр уыд, ныр дæр æй кæнæм, цæмæй нæ паддзахадон автоинспекцийы адæм цæуынц, чи машинæ хыгъды сæвæрынæн, чи щофыры гæххæттытæ райсынмæ. Æмæ архайæм, цæмæй фылдæр адæм туг радтой».
темæмæ гæсгæ
