филиал вгтрк государственная телерадиовещательная компания “Алания”

Цæугæ скъола саразыны хъуыды æрæфтыд Уæрæсейы фæндæгты æдасдзинадхъахъхъæнæг паддзахадон инспекцийы зæрды.

Автобус æрзилдзæн, фæндаггон фыдбылызтæ арæхдæр кæм æрцæуынц, уыцы регионтыл. Æдæппæтæй сæ маршрут цæуы 11 горæтыл. Уыдысты Мæскуыйы, Воронежы, Ростовы, Анапæйы, Армавиры, Налцыччы. Дзæуджыхъæуы автобус фæуыдзæн дыууæ боны. Знон уал ахуыргæнæн автобусы уыдысты республикæйы районты скъоладзаутæ. Абон та æдасдзинады домæнтæ амондзысты Дзæуджыхъæуы скъоладзаутæн. Æмтгæй ахуырты уыдзысты 600 сывæллонæй фылдæр. Сæрмагонд автобусы куыст афтæ арæзт у, æмæ дзы скъоладзаутæн хи дарыны æгъдæуттæ æмæ æдасдзинады домæнтæ амонынц хъазты хуызы. Амонынц сын, адасдзинады ронæй куыд пайда кæнын хъæуы, уый. Монитортыл сын æвдисынц мультфильмтæ. Уыцы иу рæстæг та автобус цæуы, цыма фæндаггон фыдбылызы бахауд, афтæ. Ацы ахуыртæ чи сарæзта, уыдоны хъуыдымæ гæсгæ, афтæмæй сывæллæттæ хуыздæр бамбарынц адасдзинады рæтты ахадындзинад æмæ сын фыдбылызы рæстæг сæ цард аирвæзынæн ахъаз кæй сты, уый. Скъоладзаутæн æмæ кæй фæнды уыдонæн ахуыргæнæн тренировкæтæ уыдысты Пожарскийы уынджы сывæллæтты автогородочы. Абон та сæрмагонд автобус-тренажер æмæ инструктортæ ацæудзысты Стъараполмæ. Уырдыгæй сæ фæндаг акæндзысты Волгоградмæ, Ростовмæ, Тамбовмæ. Афтæмæй æрзилдзысты 11 горæтыл.