филиал вгтрк государственная телерадиовещательная компания “Алания”

Украинаг сывæллæттæм лæвæрттимæ. Фæсивæды хъуыддæгты, физкультурæ æмæ спорты министрады специалисттæ бабæрæг кодтой, санаторий «Тæмисчъы» кæй суазæг кодтой, уыцы адæмы. Фыццаджыдæр, сæ балцы нысан уыд сывæллæтты зæрдæтæ барухс кæнын. Фæсивæды социализацийы центры специалисттæ та бацархайдтой украинаг сывæллæттæн психологон æххуыс бакæныныл. Ныртæккæ Цæгат Ирыстонмæ æрлидзæг адæмы нымæц хæццæ кæны 500-мæ. Уыдонæн сæ къаддæр хай сты сывæллæттæ. Фæсивæды хъуыддæгты, физкультурæ æмæ спорты министрады специалисттæ кусдзысты се ппæтимæ дæр.

Дзукъаты Олег, РЦИ-Аланийы фæсивæды хъуыддæгты, физкультурæ æмæ спорты министрады хайады хицау: «Алчидæр æй зоны, æмæ нæ республикæмæ æрбаластой сывæллæтты Украинæйæ. Зын уавæры бахаудтой æмæ не рбацыд абон у, цæмæй сæ чысыл бахъæлдзæг кæнæм, барæвдауæм. Цыдæр лæвæрттæ сын æрбаластам – спортивон инвентраь, хъæзтытæ, цæмæй сæ рæстæгхъæлдзæгæй æрвитой æмæ цы зындзинæдтæ баййæфтой, уыдон ферох кæной».