филиал вгтрк государственная телерадиовещательная компания “Алания”

Акци сарæзтой дыууæ командæйы ерысты хуызы. Командæтæ «Стрит Воркаут Владикавказ» æмæ «Фри мув» равдыстой сæ арæхстдзинад. Спорты ацы хуызтæ фæсивæдмæ кæсынц цымыдисаг æмæ Ирыстоны кæнынц парахатдæр. Архайынц дзы лæппутæ дæр æмæ чызджытæ дæр. Алчидæр дисгæнгæйæ каст экстремалон æмæ æнахуыр физкультурон тыхы фæлварæнтæм. Æрбацæуджытæн ма иу сæ сæртæ дæр разылдысты, афтæ цымыдисаг æмæ зын уыдысты.

Ерысты хатдзæгтæм гæсгæ дыууæ командæйы дæр уыдысты æмдых. Се ппæтæн дæр радтой призтæ. Социализацийы центры кусджыты ныхæстæм гæсгæ та – ахæм ерыстæм бакæсгæйæ, спортзалмæ иу адæймаг куы æрбацæуа, уæддæр хорз у. Фæсивæд се ргом здахдзысты спорты алы хуызтæм æмæ кæндзысты æнæниздæр.