17 октября 2013, 11:12
Фæстаг къуыримæ республикæйы гриппæй фæрычын сты 2 мин адæймаджы
Фаронимæ абаргæйæ уый у 300 адæймаджы фылдæр. Низ кæй парахат кæны, уымæ гæсгæ, медицинон кусæндæттæ аразынц профилактикон мадзæлттæ. «Гриппы ныхмæ фыццаджыдæр хъæуы
Фаронимæ абаргæйæ уый у 300 адæймаджы фылдæр. Низ кæй парахат кæны, уымæ гæсгæ, медицинон кусæндæттæ аразынц профилактикон мадзæлттæ. «Гриппы ныхмæ фыццаджыдæр хъæуы вакцинаци скæнын», – зæгъынц дохтыртæ. Хистæр кары адæмæн скодтой прививкæтæ. Се хсæн – ахуыргæнджытæ, коммуналон службæты кусджытæ, дохтыртæ, студенттæ æмæ зæрæттæ.
Сывæллæттæн прививкæтæ кæнын райдайдзысты иннæ къуыри. Уæд республикæмæ æрбаласдзысты сæрмагонд вакцинæ. Ацы аз вакцинæ скæндзысты 94 мин сывæллонæн. Специалистты хъуыдымæ гæсгæ, уый фæрцы гриппæй рынчын адæм уыдзæн бирæ къаддæр. Роспотребнаддзоры куыд зæгъынц, афтæмæй ацы низы эпидеми Цæгат Ирыстоны нæй. Республикæйы санитарон дохтыртæ рæстæгæй-рæстæгмæ кæнынц мониторингтæ.
темæмæ гæсгæ
