Сæрмагонд номхыгъдæй фæстæмæ, се ппæт дуканитæ дæр хи изоляцийы фæткы рæстæг хъуамæ уой æхгæд
Фæлхасадмæ цæстдарды управленийы кусджытæ бабæрæг кодтой Дзæуджыхъæуы базарадон центртæ. Сæрмагонд номхыгъдæй фæстæмæ, се ппæт дуканитæ дæр хи изоляцийы фæткы рæстæг хъуамæ уой æхгæд. Сæ куыст дарддæр чи æххæст кæндзæни, уыдоны хсæн хойраджы, æнæмæнг хъæугæ товарты дуканитæ, стæй афтектæ. Фæлæ алы объектмæ дæр ис домæнтæ. Сæйрагдæр – санитарон домæнтæ æххæст кæнын. Маскæтæ, æрмкъухтæ æмæ антисептиктæ хъуамæ уа алкæмæ дæр. Стæй æрбацæуджытæ кæрæдзимæ хъуамæ метр æмæ рдæгæй хæстæгдæр ма цæуой.
Ацы базаргæнæнмæ бонмæ æрбацæуы 3000 мин адæймагмæ хæстæг. Ацы бонты дæр дзы вæййы бирæ æлхæнджытæ. Фæлæ дуканийы куысджытæ æххæс кæнынц фæлхасадмæ цæстдарды цæдисы домæнтæ.
Æдасдзинады домæнтæ æххæст кæныны курдиатмæ адæм иухуызон нæ кæсынц. Амалхъом адæймаджы архайдæн, адæмы сæдас кæныны тыххæй, гæнæн ис æмæ æппындæр ницы ахадындзинад уа. Зæрдæмæдзæугæ æргътæ адæмы æргом здахынц, фæлæ санитарон домæнтæ æххæст кæнынмæ ничи тагъд кæны. Маскæтæ стæм хатт, цуæдæ дистанци дæр ничи æххæст кæны.
Базарадон центр Леруа Мерлен дарддæр æххæст кæны йæ куыст. Бахизæны цур æрæвæрдтой æнæмæнг хъæугæ товартæ. Санитарон домæнты фæтк куы сфидар кодтой, уæдæй нырмæ дуканимæ къаддæр адæм цæуын райдыдта. Бæрæггæнæнтæм гæсгæ, сахатмæ залы 4 сæдæ адæймагæй фылдæр нæ вæййы. Фæзуаты ис гæнæн, цæмæй адæм кæрæдзимæ уой дæрддзæф.
Фæлæ уæддæр кассæты цур адæм æдасдзинады
домæнтæ алы хатт не ххæст кæнынц. Кæрæдзимæ лæууынц хæстæг. Хъæрæйдзурæнтæй
адæмæн цы информаци дæттынц, уый бирæтæ ницæмæ дарынц. Дуканимæ бацæуæны цур цы
æрмкъухтæ дæттынц, уыдон дæр бирæтæ исгæ дæр нæ ракæнынц.
Фæлхасадмæ
цæстдарды управленийы кусджытæ зæрдыл лæууын кæнынц, цæмæй адæм æнæхъуаджы
хæдзарæй ма цæуой, кæд рацæуой, уæд та æххæст кæной санитарон домæнтæ.
