31 октября 2025, 10:35
Фæлладуадзæн парк «Нæртон»-ы райдыдтой нарты кадджыты хъайтарты скульптурæтæ цалцæггæнæн куыстытæ
Сергей Меняйлойы хæслæвæрдмæ гæсгæ, горæты администрацийы специалисттæ сбæрæг кодтой 18 скульптурæйы уавæр
Фæлладуадзæн парк «Нæртон»-ы райдыдтой нарты кадджыты хъайтарты скульптурæтæ цалцæггæнæн куыстытæ. Республикæйы Сæргълæууæг Сергей Меняйлойы хæслæвæрдмæ гæсгæ, горæты администрацийы специалисттæ сбæрæг кодтой 18 скульптурæйы уавæр. Дзæуджыхъæуы администрацийы управленийы хицау Хъороты Давид куыд загъта, афтæмæй скульптурон композицитæн фехæлд сæ уæлцъар. Ныртæккæ фидар кæнынц доломитæй конд æрмæджытæ. Цалдæр азы размæ парк «Нæртон» рацарæзтой «Арæзтад æмæ цъæхфæлыст»-ы программæмæ гæсгæ. Уæвгæ та йын бындур æвæрд æрцыди 2014-æм азы. Скульптурон композицитæ цæрджытæн Дзæуджыхъæуы 230 азмæ балæвар кодта скульптор Ходы Николай.
темæмæ гæсгæ
