Уый тыххæй закъоны проекты фарс рахæцыдысты республикæйы депутаттæ парламенты советы æмбырды
Фæллойгæнджытæн командировкæты рæстæг суткæйы дæргъы цы фидынц, уый хъуамæ уа мызды æппынкъаддæр бæрцы иу æртынæм хайæ фылдæр. Уый тыххæй закъоны проекты фарс рахæцыдысты республикæйы депутаттæ парламенты советы æмбырды. Уымæй дарддæр æркастысты, инвалид сывæллæтты чи хъомыл кæны, уыцы ныййарджытæй иуæн уæлæмхасæн цыппар фæлладуадзæн боны радтыны фарстамæ. Ныхас цыдис республикæйы энергетикон ахадындзинадыл дæр. Закъоны проекты куыд фæбæрæг кодтой, афтæмæй хъæуы спайда кæнын, йæхи тыхтæй чи гуыры, ахæм энергон гуырæнтæй æмæ уый фæрцы республикæйы энергетикон æмвæзад фæуæлдæр кæнын. Хицауады сæрдар Тускъаты Таймураз бабар кодта, цæмæй цæст дарой, закъон куыд æххæстгонд цæуы, уымæ.
