Амыдта йæ Хицауады сæрдары хæдивæг Томайты Ирбег
Фæндæгты æдасдзинады фарстатыл æрныхас кодтой профилон къмисы æмбырды. Амыдта йæ Хицауады сæрдары хæдивæг Томайты Ирбег. Куыд загътой, афтæмæй фæндаггон фыдбылызты нымæц фæкъаддæр, фæлæ уыимæ уæззау фæстиуджытæ цы цаутæ уыд, уыдон фæфылдæр сты. Паддзахадон автоинспекцийы бæрæггæнæнтæм гæсгæ, ацы азы 7 мæймæ хыгъд æрцыд 365 фæндаггон фыдбылызы. Уыдоны фæмард 43 адæймаджы, 521-æй фесты цæфтæ. Мæты æфтауынц, фистæгæйцæуджыты æмæ сывæллæтты архайдимæ цаутæ. Æдæппæтæй фистæгæйцæуджыты машинæ куы скъуырдта, ахæм цаутæ уыд 85. 11 адæймаджы фæмард сты. Сывæллæтты архайдимæ æрцыд 52 цауы. Томайты Ирбег загъта, статистикæйы бæрæггæнæнтæ хынцгæйæ, адæмимæ хъæуы ахадгæдæр профилактикон куыст кæнын. Ахуыры азы райдианы агъоммæ, уæлдай ахсджиаг у, ацы фарстайы фæдыл скъоладзаутимæ бацархайын.
