Фæндæгтыл æдасæй цæуыны паддзахадон автоинспекцийы кусджытæ федералон фæндаг «Кавказ»-ыл скодтой рейд.
Фæндæгтыл æдасæй цæуыны паддзахадон автоинспекцийы кусджытæ федералон фæндаг «Кавказ»-ыл скодтой рейд. Инспектортæ рабæрæг кодтой закъонхæлдтытæ. Разынд дзы нозтджын шофыртæ, стæй машинæ тæрынæн бардæттæг гæххæттытæ кæмæ нæ уыди, ахæмтæ дæр. Ахæм мадзæлттæ арæзт цæуынц фæндаггон змæлды æдасдзинад бахъахъхъæныны нысанимæ. Рейды рæстæг инспектортæ шофыртæн бæрæг кодтой сæ документтæ, кодтой сын тестытæ. Фылдæр æргом здæхт цыди амæй размæ дæр ма закъонхæлдтытæ чи руагъта, ахæм шофыртæм. Инспектортæ зæрдыл лæууын кæнынц, нозтджын шофыр йæхи дæр æмæ бæлццæтты дæр æфтауы стыр тæссаг уавæры. Уыимæ сын исынц сæ гæххæттытæ, стæй сæ кæнынц ивар. Профилактикон мадзæлтты рæстæг фæндаггон змæлды архайджытæн инспектортæ байуæрстой зæрдылдарæнтæ дæр.
