Спортсментæн раарфæ кодта республикæйы физкультурæ æмæ спорты министр Фрайты Сослан æмæ футболæй олимпаг резервы спортивон скъола «Спартак»-ы директор Джиоты Инал
Хуссар æмæ Цæгат Кавказы федералон зылдты фыццаг бынат бацахсыны ерысты уæлахиздзауты, фæсивæдон командæ «Спартак-Алани»-йы хъомылгæнинæгты схорзæхджын кодтой «Иугонд Уæрæсе»-йы æхсæнадон æххуысы штабы. Æвзонг спортсментæн раарфæ кодта республикæйы физкультурæ æмæ спорты министр Фрайты Сослан æмæ футболæй олимпаг резервы спортивон скъола «Спартак»-ы директор Джиоты Инал. Кады гæххæттытæ саккаг кодтой дуаргæсæн, размæбырсæгæн, регионты хсæн ерысты хатдзæгтæм гæсгæ чи фесгуыхт, уыцы футболисттæн. Бузныджы гæххæттытæ радтой тренертæн дæр. Ноджыдæр ма лæппутæ райстой сæ фыццаг хистæр разрядтæ – лæвæрд сын æрцыдысты бахыгъдон квалификацион чингуытæ.
