Се ппæт дæр уыдысты Мæскуыйы æппæтадæмон фестиваль «Детский глобус – мир для детей»-ы архайджытæ
Фæсивæды социализацийы Центры хъæппæрисæй Мæздæджы арæзт æрцыд æртæ цыбырметражон кинонывы презентаци. Се ппæт дæр уыдысты Мæскуыйы æппæтадæмон фестиваль «Детский глобус – мир для детей»-ы архайджытæ. Кинонывтæ дзурæг сты хæлардзинадыл, кад æмæ намысыл, хистæртæ æмæ кæстæрты хсæн ахастдзинæдтыл. Уымæ гæсгæ ацы кинонывтæм сæйраг кæсджытæ уыдысты рæзгæ фæлтæры минæвæрттæ, районы скъолаты ахуырдзаутæ æмæ атсæуккаг ахуыргæнæндæтты студенттæ. Æппæт æртæ кинолентæйы систой æрыгон райдайгæ режиссертæ. Сæхæдæг куыд радзырдтой, афтæмæй залæй ииуылдæр рацыдысты арф æнкъарæнтæ райсгæйæ. Аивадуарзджытæн фадат уыд аныхас кæнынæн æмæ зæрдæмæдзæугæ кинонывæн хъæлæс раттынæн. Афтæмæй фылдæр хъæлæстæ райста Морис Амаряны куыст «Черепаха». Ам сюжет ист у Ирыстоны хæххон хъæутæй иуы. Кинонывы ирдæй æвдисынц национ традицитæ æмæ фольклор.
