Стыр æргом ма аздæхтой ирон адæмы культурæ æмæ традицитæ бахъахъхъæнынмæ
Фæсивæды удварны æмæ патриотон хъомылады фарстатыл æрныхас кодтой Цæгат æмæ Хуссар Ирыстоны сылгоймæгты советы иумæйаг æмбырды. Стыр æргом ма аздæхтой ирон адæмы культурæ æмæ традицитæ бахъахъхъæнынмæ. Афтæ, дæнцæгæн æрхастой ирон чындзæхсæвы æгъдæутты сусæгдзинæдтæ. Фыццаджыдæр нырыккон чындзæхсæвы тынг бирæ хъуыддæгтæ аивтой, æмæ уымæ ис алыхуызон цæстæнгас. Ныхас ма цыд фæсивæды нырыккон уæлæдарæсыл. Чызджытæ æмæ лæппутæ сæхи куыд дарынц æхсæнады, ууыл. Хицæнæй æрдзырдтой патриотизмы темæйыл, стæй цавæр бынат ахсы нырыккон æхсæнады. Зæгъдзыстæм ма уый дæр, æмæ сылгоймæгты советы æмбырды канд ацы ахсджиаг фарстатыл не рдзырдтой, фæлæ ма бацæттæ кодтой, сæ алыг кæнынæн бæлвырд мадзæлттæ.
