Газы кусæнгæрзтæй æдасæй куыд пайда кæнын хъæуы, уый тыххæй та радон хатт республикæйы цæрджытæн хъусын кæнынц бæрнон кусджытæ
Фæстаг рæстæг республикæйы фæфылдæр, сыгъдхъæстæ чи фæци, ахæм адæмы нымæц. Газы кусæнгæрзтæй æдасæй куыд пайда кæнын хъæуы, уый тыххæй та радон хатт республикæйы цæрджытæн хъусын кæнынц бæрнон кусджытæ. Цæрæн хæдзæрттыл рейды рацыдысты Æнæнхъæлæджы уавæрты министрады æмæ газы службæйы специалисттæ. Бæстон æркæсынц газы кусæнгæрзты уавæрмæ æмæ адæмимæ кæнынц æмбарынгæнæн ныхас. Сосранты Жаннæ радзурдзæн бæлвырддæр.
Абайты Валентинæ газы службæйы кусджыты йæ хæдзармæ бауагъта æнæ къуылымпыйæ. Куыд зæгъы, афтæмæй æдасдзинадыл ныхас куы цæуа, уæд æндæр гæнæн дæр нæй. Фæлæ хъыгагæн, адæм иууылдæр ахæм зондыл хæст не сты. Цалынмæ газы мигæнæнтæй исты асæтта, уæдмæ специалистты нæ агурынц. Уæвгæ, газы кусджытæ æрвылаз аразынц профилактикон æркаст, фæлæ бирæтæ сæ дуæрттæ нæ бакæнынц, кæд æмæ уыцы æркаст бацахсы фондз минуты онг, уæддæр.
Газ кæй никуы уадзы, уый базонгæйæ специалистты куысты иннæ къæпхæн вæййы æркæсын хæтæлтыл пецмæ газ æнæнкъуылымпыйæ цæуы, æви нæ, уый. Уыимæ хъуамæ æркæсой газ цы техникон фæрзтæм цæуы, уыдонмæ се ппæтмæ дæр.
Хæдзары цæрджытæн бамбарын кодтой хъæндзинæдтæ, радзырдтой сын, газы прибортæй æдасæй куыд пайда кæнын хъæуы, уый тыххæй. Балæвар сын кодтой уагæвæрдтæ зæрдыл дарыны гæххæт.
Специалисттæ æрбацæуынц, техникон æркаст æмæ цалцæджы бадзырд цы абоненттимæ ис, уыдонмæ. Абайты Джульеттæмæ ахæм гæххæт ис. Æркастысты йын йæ хъармгæнæн пецмæ.
Специалисттæ ма цæст дарынц, техникон фæрæзтæ куыд æвæрд сты, уымæ. Раст сты, æви нæ. Куыд зæгъынц, афтæмæй уæлдай фиппаинæгтæ æрхæссæн ис фæздæгдзæуæнты арæзтмæ. Арæхдæр фыдбылыз æрцæуы уый аххосæй. Уымæ гæсгæ приборты рацарæзты рæстæг фæдзурын хъæуы специалистмæ.
Уагæвæрдæн дзуапп чи нæ дæтты, ахæм конд прибортæ куы раиртасынц специалисттæ, уæд газ ахуыссын кæнынц. Зæгъын ма хъæуы уый дæр, æмæ абонент йæхæдæг дзуапп кæй дæтты хæдзары цы газæй кусæг мигæнæнтæ ис, уыдоныл. Хатгай сæ адæм раст нæ фæпайда кæнынц.
Газы службæйы кусджытæ иумæйаг рейд аразынц Æнæнхъæлæджы цауты министрады минæвæрттимæ. Зынгсирвæзты æмæ сыгъдхъæстæ фæуыны профилактикæ актуалон у хъармгæнæн сезоны.
Техникон æркасты бадзырд хъæуы бафыссын. Саразæн æй ис газы компанийы. Уый у, фыццаджыдæр, æдасдзинады фарста, иннæмæй газы приборты рацарæзты рæстæг фæдзурын специалисттæм. Раст конд чи нæу, ахæм мигæнæнты аххосæй сарæх сты сыгъдхъæстæ фæуыны цаутæ.
