Сæ фæллад дзы суагътой 7 мины æмæ 500 сывæллоны
Фæззыгон каникулты рæстæг республикæйы æппæт районты скъолаты лагерьтæ куыстой 160 ахуыргæнæндоны. Сæ фæллад дзы суагътой 7 мины æмæ 500 сывæллоны. Ахуырады æмæ наукæйы министрады специалисттæ сын бакуыстой хъæздыг программæйыл. Арæзт цыдысты дæсныйадæвдисæг ахуыртæ, спортивон мадзæлттæ, интеллектуалон хъæзтытæ æмæ экскурситæ. Ахæм архайд хорзырдæм ахады сывæллæттыл. Дзæуджыхъæуы 27-æм скъолайы лагеры куысты тыххæй радзурдзæн Фидараты Маринæ.
Биологийæ хуымæтæг урокы бæсты, ахуыртæ æцæг лабораторийы. Дзæуджыхъæуы 27-æм скъолайы ахуырдзаутæ ныр хорз зонынц хъæдындзы чырæгты арæзтад. Уыимæ теори æвæстиатæй сфидар кæнынц практикæйы. Лæппутæ æмæ чызджытæ сæхæдæг бацæттæ кæнынц рæстæгмæ препараттæ, æмæ сæм фæкæсынц микроскопы уылты. 5-æм къласы ахуырдзау Эрик Касьянов куыд радзырдта, афтæмæй ахæм уроктæ сты тынг пайда. Фидæны йæ фæнды дохтыр суæвын, уымæ гæсгæ йын биологоийы уроктæ сты пайда.
Биологийы урокы фæстæ та фидæнмæ къахдзæф. Сыхаг кабинеты архайынц роботтæ аразыныл. Ахуыргæнджытæ куыд зæгъынц, афтæмæй робототехникæ рæзгæ фæлтæрæн æнцон æмбарæн у. Программæтæ сын аразынц уæлæмхасæн хуызы. Программæйы равзарæн ис роботы змæлд, йæ тагъдад æмæ афтæ дарддæр. Сывæллæтты дзæбæхгæнæн фæззыгон лагерь 27-æм скъолайы каникулты рæстæг суазæг кодта 70 адæймаджы. Алкæмæн дæр сæ бантыст зæрдæмæдзæугæ хъуыддæгты архайын. Шахмæттæ, хореографи, актеры дæсныйад æмæ афтæ дарддæр. Ацы аз ма уыд иу ногдзинад – фæзынд дзы полилингвалон къорд.
Фæззыгон каникулты рæстæг скъолаты лаегрьтæ куыстой 160 ахуыргæнæндоны. Сæ фæллад дзы суагътой 7 мины æмæ 500 сывæллоны республикæйы æппæт районты. Ахуырады æмæ наукæйы министрады специалисттæ бакуыстой хъæздыг программæйыл. Лæппутæн æмæ чызджытæн арæзт цыдысты дæсныйадæвдисæг ахуыртæ, спортивон мадзæлттæ, интеллектуалон хъæзтытæ æмæ экскурситæ.
Ахæм архайд хорзырдæм ахады сывæллæттыл. Фыццаджыдæр исынц алывæрсыг ахуырад, тырнынц ног зонындзинæдтæм, æмæ сæ рæстæг æрвитынц пайдаимæ.
