Субсидиты фæрцы сараздзысты 74 бынаты
Фараст милуан сомы райсдзысты цыппар коммерцион сывæллæтты рæвдауæндоны, цæмæй дзы 3 азы онг кæуыл цæуы, уыцы сабитæн уæлæмхасæн бынæттæ скæной, уый тыххæй. Субсидиты фæрцы сараздзысты 74 бынаты. Уый тыххæй бадзырд бафыстой республикæйы хицауад æмæ Уæрæсейы рухстауынады министрад. Ахуырады министр Людмилæ Башаринæ куыд радзырдта, афтæмæй коммерцион сывæллæтты рæвдауæндæттæн субсиди райсынæн хъуыдис се рвылмæйон фиддон муниципалон рæвдауæндæтты фиддоны бæрц скæнын. Конкурсмæ гæсгæ рамбылдтой «Заря», «АБВГДЕЙКА», «Росинка» æмæ «Яхонт». Уыцы субсидитæй сæ бон уыдзæнис спайда кæнын, цæмæй ног ифтонггарз æмæ ахуыргæнæн фæрæзтæ балхæной, уымæн. Уæ зæрдыл уын æрлæууын кæндзыстæм — 2020-æм азы национ проект Демографийы фæрцы Беслæны сараздзысты сывæллæтты рæвдауæндон дыууæсæдæ æртын сабийæн. Ноджы ма фæнд кæнынц саразын цыппар агъуысты Дзæуджыхъæуы, Красногоры æмæ Ираны сывæллæтты рæвдауæндæттæм.
