30 августа 2022, 11:31
Фарныхъæуыл сæххæст 100 азы
Æнусон юбилей сбæрæг кодтой ивгъуыд фæлладуадзæн бонты
Фарныхъæуыл сæххæст 100 азы. Æнусон юбилей сбæрæг кодтой ивгъуыд фæлладуадзæн бонты. Цалынмæ цæрджытæ цæттæ кодтой бæрæгбонмæ, уæдмæ сывæллæтты ирхæфстой аниматортæ. Арвы сарæзтой чысыл авиашоу. Ссардтой дзы, сæ номдзыд æмзæххон, Фыдыбæстæйы Стыр хæсты хъæбатыр, тæхæг Дауыраты Илитæйы ном.1941-æм азы Фарныхъæуæй фронтмæ ацыд 538 адæймаджы, 214-æй нал æрыздæхтысты. Хъæуы истори райдыдта 1922-æм азы. Советон Хицауад нысангонд куы æрцыд, уæд бахастой фæндон, Хъæрмæдоны æмæ Дæргъæвсы комы цæрджытæн Цæгат Ирыстоны быдыры хайы равзарын зæххытæ. Адæм æрбынат кодтой Архонкæйы æмæ Беслæны *хсæн территорийы. Абон Фарныхъæуы ис 5 уынджы æмæ 500 хæдзары бæрц. Цæры дзы мин адæймаджы онг.
темæмæ гæсгæ
