Уый тыххæй журналисттæн фехъусын кодта Цæгат Ирыстоны промышленносты æмæ транспорты министр Хайдарбек Бутов
Фарон нæ республикæйы автотранспортон куыстуæттæ хъалонтæ бафыстой 26 миллиард сомæн. Промышленносты та архайы 16 мин адæймаджы. Уый тыххæй журналисттæн фехъусын кодта Цæгат Ирыстоны промышленносты æмæ транспорты министр Хайдарбек Бутов. Фембæлды ныхас цыд ведомствойы куысты хатдзæгтыл, стæй фидæнмæ нысантыл. 2018-æм азы промышленнон куыстады индекс фæкъаддæр 91 проценты онг. Специалисттæ уый бæттынц, завод «Электроцинк» кæй сæхгæдтой, уыимæ. Фæлæ министр куыд загъта, афтæмæй ис хуыздæрырдæм ивддзинæдтæ дæр. Активон куыст цæуы инвестицион къабазы дæр. Æнтыстджын куыстуæттæй иу у «Заря-Осетии». Ныртæккæ дзы кусы 10 адæймаджы. Афæдзы кæронмæ ацы нымæцтæ хъуамæ сырæзой 10 хатты. Министрад ма нысан кæны Цæгат Кавказы федералон зылды сыхаг регионтимæ иумæйаг куыст банывыл кæнын. Хайдарбек Бутов радзырдта, нациты хсæн ахастдзинæдты рæзтыл кусгæйæ, промышленнон кластер саразыны тыххæй. Ахæм коопераци фадат ратдзæн Цæгат Кавказы регионты куыстуæттæ заказтæй ифтонг кæнынæн. Ныхас ма цыд бæлццæттæ ласыны фарстайыл. Ацы аз байгом кодтой ног авиарейсытæ. Республикæйы промышленносты æмæ транспорты министрад ныридæгæн курдиат арвыста Уæрæсейы авиацийы управленимæ, цæмæй нæ аэропортæн æппæтадæмоны статус лæвæрдæ æрцæуа, уый тыххæй. Уый фадат ратдзæн фылдæр рейсытæ кæнынæн. Компани «АлРус» лизингмæ гæсгæ самал кодта 20 ног микроавтобусы. Ахæм фадат ис бæлццæттæласæн алы компанийæн дæр. Завода «Бином»-ы бындурыл та арæзт æрцæудзæн индустриалон парк. Министр куыд загъта, афтæмæй ведомствойы сæйрагдæр хæс у ног куысты бынæттæ аразын.
