филиал вгтрк государственная телерадиовещательная компания “Алания”

Федералон программæ «Горæты æнцонвадат архайд» æмæ муниципалон программæ «Аивдзинад æмæ цъæх фæлыст» æххæст кæнгæйæ, ныртæккæ куыстытæ цæуынц Дзæуджыхъæуы 19 æхсæнадон зонæйы. 15 территорийы ныридæгæн куыстытæ фесты. Уæлдай æргом аздæхтой Терчы былгæрæттæм Штыбы фæзы районы. Ацы уаццагыл сфидар кодтой æфсæнбетон къултæ, æмæ ма дзы скодтой уæлæмхасæн рæнхъ. Ныр дзы æрхизæн уыдзæн æртæ къæпхæнæй конд. Уымæй дарддæр æвæрынц пандус чысылмобилон адæмæн. Æрхизæнæй уæлдай ма дзы уыдзæн æнцонвадат фæзтæ, стæй дзы скæндзысты хæцæнтæ. Кæронмæ фæхæццæ кæнынц брусчаткæ æвæрыны куыстытæ. Ацы азы кæронмæ ма сцалцæг кæндзысты техникон хид. Рацарæзты фæстæ хид гом уыдзæн фистæгæйцæуджытæн дæр.