Иннæ фæндаг Транскам та æрæджы. Се хсæн ис Æрыдоны цæугæдон
Федералон нысаниуæг кæмæн ис, уыцы культурон цыртдзæвæн Зылын дуар арæзт æрцыд астæуккаг æнусты. Иннæ фæндаг Транскам та æрæджы. Се хсæн ис Æрыдоны цæугæдон. Дыууæ фæндаджы дæр нымад сты нæ республикæйы историон бынæттыл. Хъыгагæн, ныртæккæ Зылын дуары цыртдзæвæн хæлы. Ууыл мæт кæнынц Æппæтуæрæсеон адæмон фронты минæвæрттæ. Сæ хъуыдыимæ разы сты паддзахадон фæдзæхст бынаты специалисттæ дæр. Уавæры тыххæй бæстондæр радзурдзæн Моргуаты Ладæ.
Габойты Людмилæ ацы бынат хоны айдæны иннæ фарс, кæнæ та ивгъуыдмæ хид. Ам сыхагиуат кæнынц дыууæ фæндаджы: иу – Зылын фæндаг, арæзт у æнусты астæу. Иннæ та нырыккон Транскам. Дих сæ кæны гулфгæнгæ Æрыдоны дон. Габойты Людмилæйы æууæнк ис, фидæны ацы бынат туристтæн кæй суыдзæн цымыдисаг, æрмæстдæр хъæуы доны сæрты бæндæн хид саразын.
Зылын дуар нымад у, Федералон нысаниуæг кæмæн ис, ахæм культурон цыртдзæвæныл. 300 метры рагон фæндаджы уаццаг, æхгæд къулимæ æмæ мæсыгимæ нымад у рагон таможняйы постыл. Абон цыртдзæвæн дургай хæлы. Уый фæдыл батыхстытсты Æппæтуæрæсеон адæмон фронты минæвæрттæ.
Цыртдзæвæн бахъахъхъæныны фыццаг домæн у бæлæстæ акалын. Йæ къалиуты аххосæй сæрды нæ зыны дурæй амад рагон сис. Зæххы бынæй та йæ халынц сæ уидæгтæ. Уынаффæимæ сразы сты Цæгат Ирыстоны паддзахадон фæдзæхст бынаты, йæ фæзуатыл ис ацы культурон цыртдзæвæн.
Бæлæстæ акалыны хæс сæхимæ райстой æппæуæрæсеон адæмон фронты фæсивæдон организаци æмæ æнæнхъæлæджы цауты министрады кусджытæ. Хъуыддаг æнцонтæй нæ разынд, бахъуыд сæ 3 хæххон митфæндагыл 3 километры ссæуын. Фæлæ ацы хатт æрдзы хъæбысы бацымдтой цай, куыстытæм та раздæхдзысты уалдзæджы.
