Проект царды рауагътой, «Уæрæсейы культурæйы фонд»-ы грант æххæст кæнгæйæ
Адæмы иудзинад хъæздыгдæр кæнын. Фестиваль «Мæ зæрдæ ис хæхты» арæзт æрцыд Дзæуджыхъæуы. Проект царды рауагътой, «Уæрæсейы культурæйы фонд»-ы грант æххæст кæнгæйæ. Нæ республикæмæ сæ курдиат равдисынмæ ссыдысты сфæлдыстадон къордтæ алы республикæтæй. Куыд рауад аивадон фестиваль, уый тыххæй бæстондæр радзурдзæн Тъехты Элинæ.
Фестиваль «Мое сердце в горах» традицимæ гæсгæ баиу кодта бирæ адæмы. Сфæлдыстадон къордтæ ссыдысты Дагестанæй, Цæцæны ресубликæйæ, Кæсæг – Балхъарæй, Абхазæй, Хуссар Ирыстонæй, стæй Цæгат Ирыстоны алы районтæй. Фестиваль кадджын уавæры байгом кодтой Дзæуджыхъæуы центрон парчы. Адæм федтой канд цымыдисаг равдыстытæ нæ, фæлæ ма алыхуызон республикæты национ уæлæдарæс дæр. Уазджытæ бафиппайдтой, фестиваль хорз кæй бацæттæ кодтой, стæй культурæты иудзинад куыд ахсджиаг у, уый.
Фестиваль æххæстгæнгæйæ, «Зæдæлески Нана»-йы бæрæгбоны, концертон программæимæ ацыдысты Зæдæлескмæ дæр.
Фестивалы кæронбæттæны концерт радтой адæмон сфæлдыстады хæдзары. Уымæй уæлдай ма сарæзтой декоративон – æрмдæсныйады равдыст дæр. Цæгат Ирыстоны культурæйы министры хæдивæг Хъуыссæты Зæлинæ фестивалы архайджыты схорзæхджын кодта кады гæххæттытæй.
Фестивалы хæс – адæмы иудзинад хъæздыгдæр кæнын, стæй фæсивæды хсæн культурæ парахат кæнын. Проект царды рауагътой грант «Уæрæсейы культурæйы фонд»-ы фæлгæты.
