26 июня 2019, 17:25
Фестиваль «Нæртон хъæзтытæ» абон Октябрьскæйы æрæмбырд кодта республикæйы æппæт районты минæвæртты
Фæсивæд сæхи фæлвæрдтой фат æмæ æрдынæй æхсынæй, рæттыл хъæбысхæстæй, уæзæгтæ исынæй.
Фестиваль «Нæртон хъæзтытæ» абон Октябрьскæйы æрæмбырд кодта республикæйы æппæт районты минæвæртты.
Фæсивæд сæхи фæлвæрдтой фат æмæ æрдынæй æхсынæй, рæттыл хъæбысхæстæй, уæзæгтæ исынæй. Ерысты фæрцы сбæрæг кæндзысты æппæтæй ныфсхастдæр æмæ тыхджындæрты. Нæртон хъæзтытæ саразджыты хъуыдымæ гæсгæ, афæдзæй-афæдзмæ ерысты архайджыты нымæц рæзы. Уымæн æмæ æрыгæтты фæнды сæ хъарутæ бафæлварын рагон ирон традицион хъæзтыты. Фестиваль иу кæны хъæппæрисджын фæсивæды. Уыимæ хорзырдæм ахады нæ хъæздыг культурæ æмæ традицитæ бахъахъхъæныныл. Фестивалы уæлахиздзаутæ æмæ призертæ хорзæхгонд æрцæудзысты кубоктæй, майдантæй æмæ кады гæххæттытæй.
темæмæ гæсгæ
