Ратæлмац æй кодта Уæрæсейы фысджыты Цæдисы уæнг, Цæгат Ирыстоны культурæйы сгуыхт кусæг Баситы Зæлинæ
Фестиваль «ПроЧтение»-йы мадзæлттæ æххæстгæнгæйæ, арæзт æрцыд Александр Пушкины поэмæ «Руслан æмæ Людмила»-йы презентаци ирон æвзагыл. Ратæлмац æй кодта Уæрæсейы фысджыты Цæдисы уæнг, Цæгат Ирыстоны культурæйы сгуыхт кусæг Баситы Зæлинæ. Куыд загъта, афтæмæй зындгонд уацмысы тæлмацыл кусгæйæ уыдис бæлвырд зындзинæдтæ, фæлæ уыдон нæ хынцгæйæ чиныг рауадзын къухы бафтыд. Пушкины аргъау дзы мыхуыргонд у уырыссаг æмæ ирон æвзæгтыл. «Руслан æмæ Людмила»-йы тæлмац ирон æвзагмæ æххæстгонд æрцыд Мультимедион концерт «Пушкинские сказки»-мæ гæсгæ. Уый уыд республикæйы театралон архайджыты Цæдисы æмæ паддзахадон филармонийы проект. Бацæттæ йæ кодтой Александр Пушкины 225 азмæ. Чиныджы презентацимæ æрбацыдысты æхсæнадон архайджытæ, культурæйы къабазы минæвæрттæ, сывæллæттæ.
