Амыдта йæ йæ сæрдар Такъоты Сергей. Хаст æрцыд уынаффæ, цæмæй фидæн азы фыццæгæм январæй фæстæмæ бюджетон кусæндæтты мæйы мызд 5 мин 205 сомæй ныллæгдæр ма уа. Хъуамæ фæбæрзонддæр уа иумæйаг ахуырады кусæндæтты æмæ сывæллæтты рæвдауæндæтты педагогон кусджыты мызд дæр.
Амыдта йæ йæ сæрдар Такъоты Сергей. Хаст
æрцыд уынаффæ, цæмæй фидæн азы
фыццæгæм январæй фæстæмæ бюджетон кусæндæтты мæйы мызд 5 мин 205 сомæй
ныллæгдæр ма уа. Хъуамæ фæбæрзонддæр уа иумæйаг ахуырады кусæндæтты æмæ
сывæллæтты рæвдауæндæтты педагогон кусджыты мызд дæр. Амалхъом архайды
рæзтæн цы программæ уыд, уымæн ацы аз йе ‘мгъуыд фæци, æмæ бауынаффæ
кодтой, цæмæй йæ дарддæр æххæст кæной фидæн азы дæр. Федералон закъоны
домæнтæм гæсгæ, фидаргонд æрцыд «Хъæууон хæдзарады рæзты» программæ
2020-æм азы онг. Доны объекттыл адæмы æдасдзинад хъахъхъæныны мадзæлттæн
дæр сфидар кодтой сæрмагонд программæ. Хицауады уæнгтæ æркастысты
адæмæн куыст дæттыны фарстатæм дæр. Ныронг цы программæтæ уыд, уыдонмæ
хаст æрцыд ивддзинæдтæ, ацы фарстайы паддзахадон æххуыс чи исдзæн,
уыдоны номхыгъд фæфылдæр уыдзæн.
Къаболаты Ларисæ, РЦИ-Аланийы адæмæн
куыст дæттыны комитеты сæрдар: «Алы аз дæр цы программæмæ гæсгæ фæкусæм,
уымæ бахастам ног ивддзинæдтæ. Бирæ сывæллæттæ кæмæн ис, стæй хъыгдырд
сывæллæттæ кæмæн ис, уыцы ныййарджытæн хъуамæ дæттæм куысты бынæттæ.
Иннæ программæ та кусы, кризис куы райдыдта, уæдæй нырмæ. Хуыйны
«Дополнительные меры снижения напряженности на рынке труда». Абон æй
снысан кодтам ног азæн. Республикæйы уыдон хъæуынц. Сæ иу – инвалидтæн
куыст раттын. Æрыгон специалисттæн дæр, диплом райсгæйæ, махæн уайтагъд
куыст ссарын нæ бон нæ вæййы. Æмæ программæйы ис мадзæлттæ, цæмæй, цы
дæсныйад райстой, уымæй ма ноджыдæр райсой стажировкæ дæр».
