Уый тыххæй фехъусын кодта Федералон къазнайы разамонæджы хæдивæг Станислав Прокофьев.
Дзæуджыхъæумæ ссыд кусæг балцы æмæ æмбырд сарæзта республикæйы хицауады сæрдары хæдивæг Хадыхъаты Азæмæт, Хуссар Ирыстоны финансты министр Хæбæлаты Азæ æмæ æндæр бæрнон кусджытимæ. Сæйрагдæр фарста уыд – Хуссар Ирыстоны къазнайад скæнын. Уыимæ куыстыты ахсджиагдæр хай кæндзысты се мкусджытæ Цæгат Ирыстонæй.
Фæстæдæр хицауады сæрдар Такъоты Сергей æмæ Алексей Мачневимæ фембæлды Станислав Прокофьев загъта, нæ республикæйы къазна бæстæйы раззагдæр къазнатæй, иуыл нымад кæй у, уый. Уымæ гæсгæ, йæ бындурыл арæзт æрцæудзæн финансон фæрæзтæн разамынды системæйы фæлварæн проект.
Регионтæн фидæны сæ бон уыдзæн цыбыр рæстæгмæ кредиттæ исын, уыимæ гыццыл проценттимæ. Хъуыддаг куы фæрæстмæ уа, уæд Цæгат Ирыстоны къазнайады архайды фæлтæрддзинад бафæзмдзысты Мæхъæлы, Дагестаны æмæ Цæцæны республикæты дæр.
