Дзæуджыхъæуы футболон командæ «Алани»-йы футболисттæ абон сæ фæлтæрддзинадимæ зонгæ кодтой сидзæр сывæллæтты хæдзар «Виктория»-йы хъомылгæнинæгты æмæ бæлæгътыл ленк кæнынæй республикон федерацийы æвзонг спортсменты.
Дзæуджыхъæуы футболон командæ «Алани»-йы
футболисттæ абон сæ фæлтæрддзинадимæ зонгæ кодтой сидзæр сывæллæтты
хæдзар «Виктория»-йы хъомылгæнинæгты æмæ бæлæгътыл ленк кæнынæй республикон федерацийы æвзонг спортсменты.
Фембæлд ацыд, командæйæн горæты кæрон цы
базæ ис, уым. Раздæр уал Цæрикъаты Тарас æмæ Дмитрий Хомич сывæллæттæн
саразтой экскурси. Равдыстой сын бассейн, тренажерты зал, сæ фæллад кæм
фæуадзынц, уыцы уарзон бынæттæ. Фæлæ се ппæтæн дæр уæлдай цымыдисаг уыд
футболистты фæз фенын. Æхъазын та дзы у алкæй белиц дæр. Уый зонгæйæ,
«Алани»- йы футболисттæ сывæллæттимæ хъазыдысты футболæй, амыдтой сын сæ
дæсныйады сусæгдзинæдтæ. Спортсментæ æнхъæл уыдысты æмæ сын улæфæн бон
уыдзæн, фæлæ куыд рабæрæг, афтæмæй, сывæллæттæ афтæ хорз хъазынц
футболæй æмæ сæ бафæллайын кодтой.
Лæппутæ æмæ чызджытæн æхсызгон уыд,
раздæр-иу æрмæстдæр телевизортæй кæмæ кастысты, уыцы спортсментимæ
лæгæй-лæгмæ фембæлын æмæ семæ ахъазын футболæй.
Фембæлды кæрон фысымтæ се ‘рыгон уазджытæн ракодтой лæвæрттæ.
