15 апреля 2020, 15:59
Фонд «Æртæсæдæ æхсай» йе вæрæн бахаста æппæтуæрæсеон акци «Мы вместе»-мæ
Баххуыс кодта, коронавирусы пандемияйы рæстæг зын уавæрты чи бахаудта, уыцы бинонтæн
Фæсивæды фарсхæцты фонд «Æртæсæдæ æхсай» йе вæрæн бахаста æппæтуæрæсеон акци «Мы вместе»-мæ, æмæ баххуыс кодта, коронавирусы пандемияйы рæстæг зын уавæрты чи бахаудта, уыцы бинонтæн.
Сæрмагонд номхыгъдтæм гæсгæ, фонды уæнгтæ сарæзтой хойрæгты къоппытæ æмæ сæ байуæрстой фæкæсынхъуаг адæмыл. Алы къоппы дæр уыдис цалдæргай килæтæ макъаронтæ, картоф, халсартæ, сæкæр, зети, адджинæгтæ, цай. Фонды разамынд фæнд кæны йæ хæрзаудæн куыст дарддæр хæццæ кæнын.
