19 октября 2024, 14:34
Фондз мин скъоладзауæй фылдæр лæвар бабæрæг кодтой Цæгат Ирыстоны музейтæ
Уый бантыст национ проекттæ «Культурæ» æмæ «Ахуырад»-ы фæрцы
5 мин скъоладзауæй фылдæр лæвар бабæрæг кодтой Цæгат Ирыстоны музейтæ. Уый бантыст национ проекттæ «Культурæ» æмæ «Ахуырад»-ы фæрцы. Фехъусын кодта йæ телеграм-каналы Сергей Меняйло. Сывæллæттæ сæ рæстæг хъæлдзæгæй арвыстой республикæйы фæсивæды туризмы æмæ экскурситы центры руаджы. 4 мæймæ куыстуат царды рауагъта 180 мадзалы бæрц. Архайдтой дзы скъоладзаутæ æрмæст Дзæуджыхъæуæй нæ, фæлæ республикæйы иннæ районтæй дæр. Сергей Меняйло уыцы куыстæн стыр аргъ скодта. Куыд загъта, афтæмæй сывæллæтты хъомыладмæ стыр æвæрæн хæссынц. Скъоладзаутæ бæлвырддæр базонынц сæ райгуырæн зæххы историйы тыххæй, æмхиц кæнынц фыдæлты хæзнатæ хъахъхъæнынмæ.
