Студенттæ кусдзысты «Норильск ремонт»-ы хыгъды фыццаг рæнхъыты
Фондз сæдæ адæймагæй фылдæр арæзтадон къорд араст уыдзæн Норильскмæ. Студенттæ кусдзысты «Норильск ремонт»-ы хыгъды фыццаг рæнхъыты. Фæндараст сын загъта, æмæ сын ныстуантæ скодта республикæйы Сæргълæууæг Сергей Меняйло. Куыд загъта, афтæмæй арæзтадон къордтæ æрвитын у Хæххон-металлургон институты хорз традици. Фæсивæдæн йæ зæрдæ загъта ахадгæ куыст, æмæ цæгатаг куыстуæтты нæ республикæйы кад дæлæмæ ма æруадзын. Арфæ сын ракодтой арæзтадон къордты ветерантæ дæр. Фыццаг хатт ацы къордты хсæн ис аграрон университеты, электроникæйы, арæзтадон æмæ æфсæнвæндаджы колледжты студенттæ дæр. Цæгат Ирыстоны делегаци у æппæтæй стырдæр. Фæсивæд сæхи базонын кодтой куыстуарзаг æмæ бæрнонæй. Фыццаг къорд Норильскмæ ацæудзæн абон.
