филиал вгтрк государственная телерадиовещательная компания “Алания”

Хуынд æм æрцыдысты бирæсывæллонджын фыдæлтæ. Кæд нæлгоймаг хъахъхъæнæджы миниуæг æрдзæй рахаста, уæддæр сæ алчидæр, фыццаджыдæр, у йæ бинонты, йæ сывæллæтты хъахъхъæнæг. Сывæллон схъомыл кæнын, раст фæндагыл æй сæвæрын та æнцон хъуыддаг нæу. Уымæ гæсгæ сыл бæрнондæр хæс æвæрд ис. Ацы бæрæгбон саразынæн стыр æххуыс бакодта республикæйы хицауады сæрдар Такъоты Сергей. Бæрæгбон саив кодтой республикæйы сфæлдыстадон коллективтæ æмæ артисттæ. Арфæ сын ракодта Афганистаны хæсты ветеранты советы сæрдар Калоты Георгий. Уæлдай æхсызгондæр та сын уыд хъæлдзæг конкурсты архайын. Уæлахизмæ сæ разæнгард кодтой сæ цардæмбæлттæ. Бæрæгбон æнæ лæвæрттæй нæ фидауы. Æмæ се ппæтæн дæр балæвар кодтой зынаргъ сахæттæ, æппæтæй зæрдæмæдзæугæ къайæн та саккаг кодтой приз – ресторан «Якитория»-йы сын уыдзæн романтикон изæр.