Ахæм хъуыдыйыл хæст сты нæлгоймæгты хор «Алани»-йы уæнгтæ.
Ахæм патриоттæй иуыл нымайынц сæ разамонæг Дзанайты Ольгæйы дæр.
Йе рыгонбонтæй фæстæмæ архайы рагон зарджытæ сног кæныныл, парахат сæ кæны, уарзын сæ кæны кæстæртæн.
Ахæм патриоттæй иуыл нымайынц сæ разамонæг Дзанайты Ольгæйы дæр.
Йе рыгонбонтæй фæстæмæ архайы рагон зарджытæ сног кæныныл, парахат сæ кæны, уарзын сæ кæны кæстæртæн.
Аив сылгоймаджы иу къухы айст æмæ айхъуысы нæлгоймæгты зард. Рæсугъд мелодиты баиу вæййынц хæхты уаздан зард æмæ рагфыдæлты хъæлæстæ. Дзанайты Ольгæйы чи нæ зоны, ахæм адæймаг, æвæццæгæн, нæ разындзæн. Цы коллективæн разамынд дæтты, уый та йæ зардæй дисы æфтауы дунейы бæстæтæ. 13 азы иумæ циндзинад хæссынц аивадуарзджытæн.
Ольгæйы разамындæй иумæйаг хоры ис 400 адæймаджы. Нымад æрцыд Уæрæсейы хуыздæр коллективы номхыгъдмæ. У дунейы æмæ Уæрæсейы бирæ фестивальты æмæ стыр концертты архайæг. Уæдæ Паралимпаг хъæзтыты байгом кæныны кадджын мадзалы кæй архайдта, уый дæр банымайæн ис кадджын хъуыддагыл.
Мæскуыйы, Куадзæны 3-аг фестивалы цы «Стыр Хуыцауы» гимн акодтой, уый се ппæты дæр дисы бафтыдта. Уымæ хъусгæйæ чидæртæ сæ цæссыг дæр нæ урæдтой.
Никкоты Марат раздæр зарыд хъæууон-хæдзарадон университеты профессорты æмæ ахуыргæнджыты хоры.
Разамынд сын лæвæрдта, уæд нырма æрыгон чызг – Гнесины номыл институты рауагъдон Дзанайты Ольгæ.
Уæдæй абонмæ йæ размæ æвæры хæс – чи ферох, уыцы рагон зарджытæ сног кæнын.
Зарæггæнджытæ куыд зæгъынц, афтæмæй сæ репертуары чи ис, уыдон зарджытæ дæр схонæн нæй – сты куывдтытæ. Афтæ зарыдысты нæ фыдæлтæ мингай азты размæ дæр.
Сæ разамонæгæй та уæлдай бузныг сты политикон, экономикон уавæртæм нæ кæсгæйæ, кусы, æнусты сæрты нæм чи æрхæццæ, уыцы æрмæгимæ. Хъахъхъæны сæ, парахат сæ кæны.
Къуыри æртæ хатты та кусы æрыгон зарæггæнджытимæ. Ныр ма сæ къордæн ном дæр нæма ис. Фæлæ иузæрдион сты равзæрст хъуыддагыл, ирон культурæ сæм тынг рæсугъд æмæ цымыдисаг кæсы æмæ архайынц йæ бахъахъхъæныныл. Ольгæйæн та цымыдисаг у фæсивæдимæ кусын.
Йе мбæлттæ куыд зæгъынц, афтæмæй Дзанайты Ольгæйы хуызæн адæймæгты схонæн ис æцæг патриоттæ. Уымæн æмæ хъуыддагæй æвдисы йæ уарзондзинад Фыдыбæстæмæ, ирон культурæмæ, ирон аивадмæ, историмæ.
