58-æм æфсады службæгæнджытæн раарфæ кодтой проект «Алайнаг скаутты» уæнгтæ
Фыдыбæстæ хъахъхъæнæджы боны кадæн мадзал арæзт æрцыд Дзæуджыхъæуккаг гарнизоны офцерты хæдзары дæр. 58-æм æфсады службæгæнджытæн раарфæ кодтой проект «Алайнаг скаутты» уæнгтæ. Фæсивæд бацæттæ кодтой цымыдисаг концерт. Баххуыс сын кодтой Колыты Аксойы номыл чырыстон дины гимназы хъомылгæнинæгтæ. Ирыстойнаг скауттæ уазджытæн акодтой патриотон зарджытæ, радзырдтой се змæлды тыххæй, стæй аив бакастысты сабырдзинады, хæлардзинады æмæ кæрæдзийæн аргъ кæныныл фыст æмдзæвгæтæ. 2019-æм азы лæппутæ æмæ чызджытæ сæ разамонджытимæ патриотон хъомылады фæдыл скодтой цымыдисаг программæ. Зæгъын ма хъæуы уый, æмæ ацы концерт сси фæстаг, хæрзаудæн фонд «Успение»-йы проект æххæст кæнгæйæ. Æвзонг сгарджытæ баиу сты патриотон отряды. Æмæ ныридæгæн дæр сæ фидæн бæттынц æфсæддоны дæсныйадимæ. Проект царды рауадзынæн баххуыс кодтой бæрнон министрадтæ, æхсæнадон организацитæ æмæ 58-æм æфсады службæгæнджытæ.
