Уыимæ организаци архайы ног фарстатæ лыг кæныныл
Алывæрсыг æххуыс, профессионалон цæттæдзинад, æфсæддонты комплексон реабилитаци æмæ социализаци. Æппæт ацы фарстатæ хауынц «Фыдыбæстæ Хъахъхъæнджыты Фондмæ». Арæзт æрцыд афæдзы размæ, Уæрæсейы Президент Владимир Путины хъæппæрисæй. Уыцы мгъуыдмæ бакодтой егъау куыст. Фонд æрвылбон æххуыс кæны сæрмагонд æфсæддон операцийы архайджытæн æмæ сæ бинонтæн. Уыимæ организаци архайы ног фарстатæ лыг кæныныл. Сæ ахсджиаг куысты тыххæй бæлвырддæр радзурдзæн Фидараты Маринæ.
Кæй агурынц, уыцы æфсæддон сæрæгас кæй у, уыцы хабар «Фыдыбæстæ Хъахъхъæнджыты» фонды социалон координатор фехъуыста, не сфæлдыстадон къордимæ архайгæйæ. Куыддæр йемæ бастдзинад фехæлд, афтæ Магкæты Олег райдыдта æфсæддоны хæстæджытæн æххуыс кæнын. Тынг бацин кодтой се ппæт дæр, уæлдайдæр та йæ мад, Хетæг æнæниз кæй у, æмæ ма суанг тохы быдыры йæхи ныфсхаст æмæ хъæбатырæй кæй равдыста, уый куы базыдтой, уæд.
Батальон «Шторм Осетия»-йы хыгъды æфсæддон хайы командæгæнæг фæцыд фронты линийыл. Ореховы бынмæ тохы фæстæ йын лæвæрд æрцыд майдан. Уæд аирвæзын кодта, йæ бæрны цы лæппутæ хæцыдысты, уыдоны. Уæззау цæфты фæстæ йæхимæ рцыд. Йæхи сдзæбæх кæныны æмæ реабилитацийы, стæй ма суанг куыст ссарыны дæр ын баххуыс кодтой Фыдыбæстæ хъахъхъæнджыты фонды. Ныртæккæ кусы ам, фонды республикон филиалы социалон координаторæй.
Темырты Аленæйы царды мбал ныртæккæ ис фронты. Тынг ыл тыхсы. Æмæ æрмæст ууыл нæ, фæлæ се ппæтыл дæр. Фæстаг афæдзмæ тынг æрбангом сты кæрæдзиуыл. Фонд йæхимæ райста уыцы бæрнон хæс, æмæ алывæрсыг æххуыс кæны ветеранты бинонтæн æмæ сæрмагонд æфсæддонт операцийы архайджытæн.
Фыдыбæстæ хъахъхъæнджыты фонд арæзт æрцыд афæдзы размæ, нæ бæстæйы президенты хъæппæрисæй. Йæ филиалтæ кусынц æппæт 89 субъекты. Бирæ хъайтартæн сси сæ дыккаг хæдзар. Уымæн æмæ ам ис алы темæйыл дæр аныхас кæнын, æмæ цыфæнды фарста дæр алыг кæнын.
Фонды куыст арæзт у, куыд фæзæгъынц, иу рудзынджы хуызы. Алывæрсыг æмæ бæлвырд æххуыс. Уымæй дарддæр арæзт æрцыд комплексон реабилитацийы æмæ социализацийы системæ, чи æрыздæхт, уыцы æфсæддонтæн.
Æрæджы ма Фонд саразыны Указмæ хаст æрцыдысты ивддзинæдтæ. Афтæмæй фæпарахатдæр сты йæ гæнæнтæ. Нырæй фæстæмæ йæ бон у бирæ лæггæдтæн фидын.
Ныртæккæ та арæзт цæуы дыууæрдæм бастдзинады системæ. Цæмæй базоной, адæм лæггæдтæй разы сты, æви нæ, уый. Сæрмагондæй уый тыххæй фонд бакуыста информацион системæйыл. Пайда кæнæн дзы уыдзæн Паддзахадон лæггæдты порталы æмæ мобилон æтуаны уылты.
Ныртæккæ Фонд активонæй æххуыс кæны куыст ссарыны хъуыддаджы дæр. Бæлвырддæр та, арæзт цæуынц профессионалон цæттæдзинады курсытæ. Нæ бæстæйы 3 мин ветераны сæхи фæлварынц ахуыргæнæнджы дæсныйады. Æмбæлынц скъоладзаутимæ æмæ семæ кусынц патриотон хъомыладыл.
