36 социалон координаторы æххуыс кæнынц сæрмагонд операцийы ветерантæн æмæ сæ бинонтæн
«Фыдыбæстæ Хъахъхъæнджыты» паддзахадон фонд скодта йæ куысты хатдзæгтæ. 36 социалон координаторы æххуыс кæнынц сæрмагонд операцийы ветерантæн æмæ сæ бинонтæн. Фонды филиалы бæрны ис 5 мин адæймаджы онг. Сæрмагонд æфсæддон операцийы ветеранты æфтауынц физкультурæйæ æмæ спортæй архайынмæ. Вæййынц регионалон æмæ федералон æмвæзады алыхуызон ерысты. Бæлвырддæр радзурдзæн Хъайтмазты Дзерассæ.
Йæ къухыл нос хæстонæн йæ зæрдыл лæууын кæны фронты цы рæстæг арвыста, уый. Сæрмагонд операцийы Плиты Азæмæт уыд йæ райдианæй бархион отряд «Шторм Осетия»-йы хыгъды, æмæ ма суанг цæфы фæстæ дæр та ацыд фронтмæ. Йе нæниздзинады уавæрмæ гæсгæ йæ рарвыстой, «Фыдыбæстæ Хъахъхъæнджыты» фонд та йын æххуыс кæны сабыр цардмæ раздахыны фæндагыл.
2 азы æмæ *рдæджы куыстмæ фонды республикон филиал райста 20 мин курдиатæй фылдæр. Уыдонæн сæ 96 процентмæ гæсгæ рахастой уынаффæтæ, 800 курдиатыл куыст цæуы. Алы нымæц дæр нысан кæны бæлвырд истори. Арæхдæр ардæм æрбацæуынц юридикон, социалон, медицинон æмæ психологон æххуысмæ. Фонды специалисттæ се ппæты дæр сæ нæмттæм гæсгæ зонынц, сæ фарсмæ вæййынц бæлвырд хатдзæджы онг.
Фонды бæрны абон ис 4 мин 789 адæймаджы. 27 адæймаджы балæвæрдтой курдиæттæ, цæмæй сæ протезтæй сæххæст кæной. Уыдонæй 9-æн сæ фарста лыггонд æрцыд. 50 курдиаты онг уыдис цæрæнуат æнцонвадатдæр скæнынæн, 13 – æххæстгонд æрцыдысты. Се нæниздзинад хъыгдард кæмæн у, ахæм 3 ветераны райстой сæрмагонд машинæтæй дæгъæлтæ. 2024-æм азы ахсджиаг цау сси Дзæуджыхъæуы æфсæддон социалон центр кæй байгом, уый. Æбæрæгæй чи фесæфт, уыцы хæстонты бинонтæ дæр ам ссарынц æххуыс.
Ветеранты æнæниздзинад у ахсджиагдæр къабæзтæй иу. Ацы фарстайы фæдыл фонды скодтой æнæхъæн системæ. 700 адæймагæй фылдæр райстой æххуыс дзæбæх кæныны фарстамæ гæсгæ, диспансеризаци ацæуын та ис иу бонмæ. Куы фæхъæуы, уæд хæстонты арвитынц бæстæйы раззагдæр клиникæтæм.
Сабыр царды бирæ ветерантæ се ргом здахынц фæсивæды патриотон хъомыладмæ. Рацæуынц спортивон фæзтæм, уæлахиз кæнынц æппæтуæрæсеон турнирты. Фембæлдтыты, спорты æмæ ныхасы уылты фонд хæстонтæн æххуыс кæны хуымæтæг адаптаци скæнын нæ, фæлæ сын дæтты ныфс сомбонмæ.
«Фыдыбæстæ хъахъхъæнджыты» фонд ис сæрмагонд æфсæддон операцийы ветеранты, сæ бинонты, чи фæмард æмæ æбæрæгæй чи фесæфт, уыцы хæстонты фарсмæ. Æмæ уыцы æххуыс кæндзæн парахатдæр.
