филиал вгтрк государственная телерадиовещательная компания “Алания”

«Сæ цæсгæмттæн сын бакæс». Фыдыбæстæйы Стыр хæсты Уæлахизы 79-æм бонмæ Дзæуджыхъæуы бынæттон администрацийы райдыдтой патриотон акцимæ цæттæ кæнын. Курдиæттæ исын райдайдзысты 22-æм апрелы. 9-æм майы агъоммæ та Фыдыбæстæйы Стыр хæсты архайджыты портреттæ фæзындзысты горæты æппæт рекламон фæйнæджытыл æмæ афишæтыл, æхсæнадон транспорты æрлæууæнты æмæ рухсдæттæг рекламон конструкцитыл. Зæгъдзыстæм ма уый, æмæ ацы аз аивта ветеранты портреттæ æвæрыны принцип. Иу баннерыл фенæн уыдзæн дыууæ, кæнæ фылдæр портреты. Уый баст у уыимæ, æмæ акцийы архайын фæнд чи скодта, уыдон дзæвгар кæй фæфылдæр сты. Горæты администрацийæн та уыйбæрц рекламон фæзтæ радих кæныны бон нæу.