Æмбырдгондмæ ма бафтыдтой Советон Цæдисы дыууæ хатты хъæбатыр Плиты Иссæйы тыххæй сæргонд
Уæлахизы нæмттæ. Фыдыбæстæйы Стыр хæсты зындгонд советон æфсæддон разамонджыты тыххæй 4-æм чиныджы презентаци арæзт æрцыд Дзæуджыхъæуы. Æмбырдгондмæ ма бафтыдтой Советон Цæдисы дыууæ хатты хъæбатыр Плиты Иссæйы тыххæй сæргонд. Æрæмбырд дзы кодтой, канд йæ хъуыстгонд хæстон цаутæ нæ, фæлæ ма, абарæн кæмæн нæй, æмæ йæ бинонты чи рцыд, ахæм историтæ. Цымыдисаг æрмæг бацæттæ кодта авторты коллективæй æппæты кæстæр архайæг Мырыкаты Артемий. Уый ныффыста инæлары хъæбатырдзинæдты тыххæй, йæ фыстæджытæ, боныгтæ æмæ ма йæ чи зыдта, уыдоны мысинæгтæ дæр. Зæгъæн ис, æмæ чиныг хуымæтæг истори нæу, фæлæ зындгонд адæймаджы царды ирд сæргонд. Чиныджы тираж стыр нæу. Цæгат Ирыстонæн та 200 экземпляры балхæдта Паддзахадон Думæйы депутат Таймазты Артур.