филиал вгтрк государственная телерадиовещательная компания “Алания”

Цæгат Ирыстоны хæхтæ. Нудæсæм æнус. Уырыссаг ахуыргонд йæ кæсгон æмкусæгимæ нæ республикæмæ ссыд æрзæт къахынмæ. Сæ хъуыдыйы кæрон дæр нæ уыд, дыууæ бинонты быцæуы хсæн кæй бацæудзысты, уый. Ахæм у ног аивадон кинонывы сюжеттæй иу. Ныртæккæ йæ исынц Фыййагдоны. Кинонывы режиссер у Джусойты Мурат. Йæхæдæг куыд зæгъы, афтæмæй ацы куыстæй сног кæндзæн йе сфæлдыстадон архайд. Ныридæгæн уал у цыппар кинонывы автор: «Фарн», «Хохаг», «Курьер на восток» æмæ «Похищение Европы». Нудæсæм æнусы тæваг банкъарын ахсджиагыл банымадта уырыссаг академион театры актер Киситы Роберт. Йæ хъайтар Елисей у уырыссаг ахуыргонд. Ис ын цымыдисаг цардвæндаг. Ног кино исы кинокомпани «Ирмон». Йæ оператор у Одессæйы киностудийы уæнг. Уæвгæ та кинонывы хъазынц ирон академион, уырыссыг драмон æмæ Кæсæг-Балхъары театрты артисттæ. Режиссеры ныхæстæм гæсгæ съемкæтæ фæуыдзысты ацы мæйы кæрон.