Куыстытæ дзы цæудзысты 2023-2024-æм азты
Фыййагдоны пульмонологон центры рацарæзты проектыл бакусынæн федералон бюджетæй радих кодтой 15 милуаны æмæ 500 мин сомы. Куыстытæ дзы цæудзысты 2023-2024-æм азты. Дзæбæхгæнæн центр нырыккон домæнтæн дзуапп нал дæтты. Рацарæзты фæрцы та уавæр аивдзæн хуызæрырдæм. Пульмонологон центры тыххæй бæстондæр радзурдзæн Томайты Батраз.
Пульмонологон центры фыст «Осторожно» рынчынты хъахъхъæны фыдбылызæй. Къултæ скъуыдтæ, пъолтæ дæр хуыздæр уавæры не сты. Медицинон куыстуатмæ æнусы рдæгæй фылдæр адæм цæуынц се нæниздзинад фæхуыздæр кæнынмæ. Æнусы рдæгæй фылдæр не рцыд цалцæггонд дæр. Уæлæнгай йæм иу базылдысты, фæлæ йыл иу уый тынг нæ фæзынд.
Кæд обект бындуронæй рацаразинаг у, уæддæр медицинон кусджытæ сæ традицитыл сæ зæрдæ нæ ивынц. Ам адæмæн æххуыс кæнынц бæрзонд профессионалон æмвæзадыл. Ног кусæнгæрзтимæ та сæ куыст зынгæ фенцондæр. Пульмонологы амынддзинæдтæ æххæст кæнын хъæуы æнæмæнгæй. Бодиплитизмограф у диагностикæ кæнæн аппарат. Центры фæзынди æрæджы. Рынчынтæ æй снысан кæнынц бахъуаджы рæстæг.
Центр ног куысæнгæрзтæ райста ивгъуыд азы кæрон. Балхæдтой сæ инвестицион программæмæ гæсгæ. Кусæнгæрзты хсæн – сæйраг аппарат – рентгенограф. Автоматизацигонд, нырыккон, тыхджын. Хорзыл æй банымадтой алы æмвæзадты медицинон куыстуæтты специалисттæ. Физиотерапийы кабинеты дæр ногдзинæдтæ гыццыл нæй. Фæлæ сын, раст зæгъгæйæ, бынат бирæ нæй. Специалисттæ куыд зæгъынц, афтæмæй кусæнгæрзтæ кæрæдзимæ афтæ хæстæг æвæрд кæй сты, уый раст нæу. Фæлæ сын сæ хъуыддаг бæлвырд рогдæр кæнынц.
Людмила Терпогосова бирæ азты центрмæ ссæуы Стъараполы крайы. Сылгоймагмæ ис астмæйы уæззау хуыз. Куыддæр йæ уавæр февзæрдæр вæййы, афтæ ссæуы Фыййагдонмæ. Куыд зæгъы, афтæмæй ацы медицинон центр равзары йæ профессионалон дохтырты тыххæй.
Центры нырыккон техникæ фæзынди, фарон æй Сергей Меняйло куы бабæрæг кодта, уый фæстæ. Уæд снысан кодтой æрмæст кусæнгæрзтæ балхæнын нæ, фæлæ ма æппæт агъуыстытæ сцалцæг кæнын дæр.
Центр кусы афæдзы дæргъы. Лæггад дзы кæнынц æппæт Цæгат Кавказы федералон центры рынчынтæн дæр. Уæвгæ, хæхбæсты сыгъдæг уæлдæф, æмæ медицинон кусджыты æххуысæй йе нæниздзинад фæхуыздæр кæныны фадат ис æндæр регионты минæвæрттæн дæр.
