Ирон æвзаг зоныны онлайн æркаст та арæзт цæуы национ политикæйы æмæ æддагон бастдзинæдты фæдыл министрады, стæй организаци «Ирон Федераци»-йы хъæппæрисæй
Фылдæр гæнæнтæ мадæлон æвзаг базонынæн. Ирон литературон æвзаг зоныны онлайн æркаст та арæзт цæуы Цæгат Ирыстоны национ политикæйы æмæ æддагон бастдзинæдты фæдыл министрады, стæй организаци «Ирон Федераци»-йы хъæппæрисæй. Алкæйы бон дæр у йæ зонындзинæдты æмвæзад базонын ирон æвзагæй. Фарстатæ сты алыхуызон – райдай пунктуацийы æмæ орфографийы зонындзинæдтæй æмæ адæмон сфæлдыстадæй фæуы.
Зæгъдзыстæм ма уый дæр, æмæ тест хорз чи ныффыса, уыцы фыццаг мин адæймаджы, лæварæн райсдзысты риуылдаргæ нысан дамгъæ «ае» æмæ æвдисæндар. Æркаст конд цæуы æртыккаг аз. Фарон проекты бацархайдта 5 мин адæймагæй фылдæр Уæрæсейы алы субъекттæй стæй фæсарæйнаг бæстæтæй.
