16 августа 2024, 11:08
Фыццæгæм сентябрæй фæстæмæ Уæрæсейы скъолаты ахуырдзаутæн урокты рæстæг нал уыдзæнис телефонтæй пайда кæнын
Ногдзинады тыххæй цæрджыты зæрдыл æрлæууын кодта Паддзахадон Думæйы депутат Яна Лантратова. Йæ фиппаинагмæ гæсгæ, телефонтæй нæ уыдзæнис архайæн ахуырадон нысанты дæр. Мобилон телефонтæй урокты рæстæг уыдзæнис спайда кæнын, æрмæстдæр цардæн тæссагдзинады уавæрты. Уæрæсейы фæлхасадмæ цæстдарды регионалон управлени ног ахуыры азы размæ байгом кодта комкоммæ лини. 25-æм августмæ ведомствæйы специалисттæ дзуæппытæ дæтдзысты сывæллæтты уæлæдарæс æмæ къахыдарæсы хæрзхъæддзинады æмæ æдасдзинады тыххæй. Уырдæм хауынц хъазæнтæ, фыссæнгæрзтæ, сабиты хæринаг æмæ афтæ дарддæр. Уæ бон бадзурын уыдзæнис ахæм номыртæм: 51-91-52, 51-95-49 и 50-58-03 æрвылбон, фараст сахатæй æстдæс сахатмæ.
темæмæ гæсгæ
