Куыд загъта, афтæмæй Уæрæсейы регионты `хсæн электрон картæтæй пайда кæнынмæ Цæгат Ирыстон цæттæ уыд фыццагдæртæй иу.
Куыд загъта, афтæмæй Уæрæсейы регионты `хсæн электрон картæтæй пайда кæнынмæ Цæгат Ирыстон цæттæ уыд фыццагдæртæй иу. Сæ фæрцы адæм исдзысты паддзахадон, муниципалон æмæ коммерцион лæггæдтæ. Уымæй уæлдай ма сæ бон уыдзæн транспортыл цæуыны аргъ бафидын æмæ дохтырмæ рады слæууынæн курдиат бадæттын. Абон ма Леонид Кесельбренерæн комкоммæ бастдзинад уыд электрон картæтæ дæттыны Федералон æххæстбарджын оргæны вице-президент Вадим Щепиновимæ. Куыд загъта, афтæмæй афæдзы кæронмæ электрон картæтæ лæвар ратдзысты 4 мин адæймагæн. Уый тыххæй курдиат ныффыссæн ис банчы хайæдтæм Коцойты Арсены æмæ Дзусы-фырты уынгты. Проект царды рауадзыныл архайынц «информацион технологиты Центр» æмæ Уæрæсейы æфснайæн банчы цæгатирыстойнаг хайад.
Хæбæлаты Владислав: «Ацы электрон картæтæн бирæ хорздзинæдтæ ис. Кæмæн сæ радтой, уыцы къордмæ кæй бахаудтæн, уый мын æхсызгон у. Бирæ лæггæдтæ аивтой электрон хуызмæ, æмæ мын ныр уыдзæн æнцондæр фидæн, цæуын мæ никуыдæм уал хъæуы. Мæ рæстæг нал хардз кæндзынæн пенсион СНИЛСы тыххæй æмæ æндæр хъуыддæгты фæдыл. Ацы картæты руаджы бирæ фарстатæ алыг кæнæн ис».
