Мадзал баст уыди зындгонд сфæлдыстадон къорды 80 азы бонимæ
Гæздæнты Булаты номыл адæмон инструментты паддзахадон оркестрæн Ирон театры уыд стыр, юбилейон концерт. Мадзал баст уыди зындгонд сфæлдыстадон къорды 80 азы бонимæ. Музыканттæ ацагътой, бирæ азтæм адæмæн уарзон чи сси, ахæм композицитæ. Хъуыстысты ног уацмыстæ дæр. Сæ иу, маэстройæн йæхи æрхъуыдыдзинад – Плиты Грисы поэмæ «7 цухъа»-йæ скъуыддзагæй скодтой музыкалон-поэтикон сценæ. Музыкалон балладæйыл советон æмæ уæрæсейаг композитор Андрей Петров. Уæвгæ та, Гæздæнты Булаты номыл адæмон инструментты оркестрæн бындур æвæрд æрцыди Фыдыбæстæйы Стыр хæсты рæстæг. 80 азмæ оркестр азæлын кодта 9 сæдæ уацмысы. Се хсæн – адæмон зарджытæ æмæ мелодитæ. Зæгъын хъæуы уый, æмæ Гæздæнты Булат йæхæдæг æгæрон æвæрæн бахаста ирон национ культурæйы рæзтмæ.