Ирыстоны оперон сценæйы дæсныйы æрымысынмæ æрбацыдысты йæ хæстæджытæ æмæ хиуæттæ, æмкусджытæ, йæ курдиатæн аргъгæнджытæ, стæй аивадон колледжты студенттæ
Æгæрон курдиаты хицау æмæ рæсугъд сылгоймаг. Гæздæнты Гайтойы номыл фæсивæдон библиотекæйы арæзт æрцыд оперон зарæггæнæг Билаонты Долоресы мысæн изæр. Ирыстоны оперон сценæйы дæсныйы æрымысынмæ æрбацыдысты йæ хæстæджытæ æмæ хиуæттæ, æмкусджытæ, йæ курдиатæн аргъгæнджытæ, стæй аивадон колледжты студенттæ. Уазджытæ акодтой, кæддæр Долорес йæхæдæг кæй зарыд, уыцы зарджытæ. Се ппæт дæр дзырдтой сæ хъуыдытæ, цавæр адæймаг уыд Уæрæсейы адæмон артисткæ Билаонты Долорес, уый. Йæ хъæлæс дисы фтыдта бирæты. Уыимæ нæ бæстæйы алы рæтты, фæлæ кæддæриддæр здæхти ирыстойнаг аивадуарзджытæм. Лæгæй лæгмæ йæ чи зыдта, уыдон се ппæт дæр дзырдтой, куыд ахсджиаг у Долоресы тыххæй кæстæр фæлтæртæн дзурын, æмæ сæ йæ диссаджы курдиатимæ зонгæ кæнын. Уымæн æмæ бахаста æгæрон æвæрæн Ирыстоны национ культурæмæ.
