Ацы зæхх – 400 квадратон метры ис Гагкайы фырты номыл уынджы 7, 9 æмæ 11 хæдзæртты хсæн. Рагæй уыд афтид æмæ дзы цæрджытæ сфæнд кодтой гаражтæ саразын. Сæ курдиæттæ балæвæрдтой Дзæуджыхъæуы администрацимæ, бацæттæ кодтой хъæугæ гæххæттытæ æмæ сæм ныр ис бардæттæг документтæ.
Ацы зæхх – 400 квадратон метры ис Гагкайы фырты номыл уынджы 7, 9 æмæ 11 хæдзæртты хсæн. Рагæй уыд афтид æмæ дзы цæрджытæ сфæнд кодтой гаражтæ саразын. Сæ курдиæттæ балæвæрдтой Дзæуджыхъæуы администрацимæ, бацæттæ кодтой хъæугæ гæххæттытæ æмæ сæм ныр ис бардæттæг документтæ.
Берозты Хазби, Гагкайы фырты номыл уынджы 9-æм хæдзары цæрæг: «Администрация нам выделила участок земли, который находиться возле нашего двора. Мы оформили все документы, уже хотели строить гаражи. Но тут выяснилось, что есть некоторые люди, у которых, якобы тоже есть документы на эти земли».
Арæзтадæн цы зæхх радих кодтой, уый Дзæуджыхъæуы администрацийы нæу, фæлæ у æнæххæстбарджын æхсæнад «Аслан»-ы исбон, зæгъы арæзтадон компанийы разамонæг Дзгойты Изæтбег. Куыд æмбарын кæны, афтæмæй советон дуджы рæстæг барæфатерон хæдзар арæзтой куыстуат «СевОсетинТара»-йы заказмæ гæсгæ. Фæлæ 90-æм азты компанимæ фæрæзтæ фаг нал уыд æмæ арæзтад баурæдтой.
Дзгойты Изæтбег, æнæххæстбарджын æхсæнад «Аслан»-ы директор: «Уыцы хæдзар, 196 квартирæйы кæм ис, 7-æм хæдзар сарæзтон æз. Уыцы зæхх балхæдтон æз Тарæйы организацийæ, уырдæм ницы бар дары администраци. Æмæ генералон пъланмæ гæсгæ йæ куы сарæзтон, уæд проекты институтмæ бацыдтæн, æмæ дзы гаражты схемæ скæнын кодтон, адæмы курдиатмæ гæсгæ. Уый мах зæхх у, фæлæ уыдонæн цы бартæ радтой, уым афтæ фыст нæй, мах кæрты сæ аразой зæгъгæ, фæлæ йæ сæхи кæрты саразой, къухæй та сын амонынц махырдæм. Фæлæ гæххæттыты иу ахæм ран дæр не ссардзыстут, æмæ дзы бынат уа. Кæм сын æй аразын кæнынц, уый дзы нæй. Уыдон хуынджылæджы хабæрттæ не сты абон? Адæмæй цæмæн хуынджылæг кæнынц?»
Администрацийы кусджытæ та уавæр æндæрхуызон æмбарын кæнынц. Муниципалон исбоны, зæххы гæнæнты, архитектурæйы æмæ горæты арæзтады управленийы цæхæрадæтты æмæ гаражты эксплуатацийы хайады хицау Гугкаты Владимир куыд зæгъы, афтæмæй ныхас цы зæххы хайыл цæуы, уый Дзгойты Изæтбеджы нæу. Уыимæ ма йын арæзтадон куыстытæ кæныны бар дæр ничи радта. Уымæ гæсгæ 7, 9 æмæ 11 хæдзæртты цæрджытæ администраци радта бар зæххыл гаразтæ саразынæн.
Кучиты Мурат, Дзæуджыхъæуы администрацийы муниципалон исбоны, зæххы гæнæнты, архитектурæйы æмæ горæты арæзтады управленийы цæхæрадæтты æмæ гаражты эксплуатацийы хайады специалист: «2012-æм азы нæм курдиат балæвæрдта Быдтаты Барис, цæмæй йын радтой зæхх æмæ дзы саразы гараж, хæсты быдыры уыдис, æмæ йын æй радтой, закъон куыд амоны, уымæ гæсгæ. Абоны бон æм ис уыцы гæххæттытæ, горæты хицау ын сæ бафыста, фæлæ йæ бон саразын уыцы гараж нæма у, уый тыххæй æмæ дзы Дзгойты Изæтбег æркалдта арæзтадон æрмæг. Быдтаты Барис та ныр 3 азы фиды æхца уыцы зæххæн. Изæтбег афтæ зæгъы, уыцы зæххы гæбаз дам хауы 7-æм хæдзармæ, йæхи дæр æй хоны. Скодта йæхицæн проект, æмæ йыл печат ныммыхуыр кодта, йæ къух дзы бафыста æмæ йæ йæхи хоны, уый траст нæу, уымæн æмæ абон грæты проекты ис ахæм архитектор, чи сæ бæлвырд кæны, уый».
Закъонмæ гæсгæ зæххы хай кæй у, уый сбæрæг кæнынæн адæм балæвæрдтой тæрхондонмæ.
Кучиты Мурат, Дзæуджыхъæуы администрацийы муниципалон исбоны, зæххы гæнæнты, архитектурæйы æмæ горæты арæзтады управленийы цæхæрадæтты æмæ гаразты эксплуатацийы хайады специалист: «Ныртæккæ уыцы зæххы гæбаз, арæзтадон æрмæг кæм ис, уый тæрхондонмæ балæвæрдтой, æмæ ахæм тæрхон раххаста, цæмæй суæгъд кæна зæххы гæбаз æмæ адæм сæ гаражтæ саразой. Абоны бон суд дæр тæрхон рахаста, цæмæй уыцы зæххы гæбæзтыларæзтадон куыстытæ ма кæна Дзгойты Изæтбег».
Администрацийы кусджыты ныхæстæм гæсгæ, æргом кадастрон хыгъды ис æрмæстдæр 7-æм хæдзарæн йæ иу хай. Бæрæггонд дзы не сты кæрты арæнтæ дæр.
Ахæм быцæутæ нæ республикæйы рауайы арæх. Лыггæнинаг фарста бахынцынæн, арæзтады агъоммæ æппæт гæххæттытæ дæр фæхъæуы æмбæлгæ фæткмæ закъонмæ гæсгæ сарæзын.
Гугкаты Иринæ
