Традицимæ гæсгæ республикæйы ногæвзæрст президент бахордта ард
Гаглойты Алан официалон æгъдауæй æрлæууыд президентон бынаты. Инаугураци ацыд паддзахадон драмон театры залы. Гаглойты Алан сси Хуссар Ирыстоны фæндзæм президент. Традицимæ гæсгæ республикæйы ногæвзæрст президент бахордта ард. Кадджын мадзалы архайдтой Уæрæсейы президенты администрацийы, Донецкы æмæ Луганскы адæмон республикæты, Дагестаны, Абхазы, Никарагуайы æмæ Нагорный Карабахы минæвæрттæ. Гаглойты Аланæн арфæ ракодта Цæгат Ирыстоны Сæргълæууæг Сергей Меняйло дæр.
Гаглойты Алан, Республикæ Хуссар Ирыстоны президент: «Ард хæрын Республикæ Хуссар Ирыстоны президенты æххæст бартæ æххæстгæнгæйæ, адæймаг æмæ æмбæстаджы бартæн æмæ сæрибардзинæдтæн аргъ кæй кæндзынæн, æмæ сæ кæй хъахъхъæндзынæн. Æххæст кæндзынæн, æмæ хъахъхъæндзынæн Республикæ Хуссар Ирыстоны Конституци».